■ Déjàvu JPの旅2

第二日食過早餐後正式出發~ 目的地是開11點的原宿~

這個早上氣溫比之前一晚暖了點,應該是冇雨的原故。到了原宿的車站,看到對面滿地銀杏機的落葉,靚!!! 講開銀杏樹,如果早多兩三星期去,應該見到很多路兩旁都會是黃色的,因為今次我們到時,有些樹已經整棵沒有葉,可幸的是有些樹還滿是葉~~ 這個情景,之前多次來東京都未見過,因為沒試過12月來嘛~ 

► Snowstorm

今早一開電話就見到細佬send來的sms......說勇闖芝加哥的計劃由於大風雪關係被迫取消!
接著就即去開電腦看看美國的天氣報導,究竟大風雪到什麼地步~~~
嘩,原來係芝加哥星期五下午開始遇上冬季大雪風暴,由於積雪幾寸深,引致有多於450班航機要取消,而高速公路都有兩至三條停了......積雪厚度大概5至7寸,有些地區積雪厚度比1968年還要高......
看完新聞,仲欣賞到雨、雪、霙和冷雨是如何地形成的(HOW WINTER STORMS BRINGS RAIN,ICE ANS SNOW)~~~又學左野!!

睇完當然係立即SMS比細佬問下佢現在點算啦~ 佢回番SMS說:"好在係出發去至取消機,如果係芝加哥回NY時就大獲!!" 我想了想才明白大獲的意思係:返唔到NY睇COUNTDOWN真係大獲,因為他和朋友主要飛NY都係為了在TIME SQUARE睇COUNTDOWN啦~~~~哈哈哈

By the way,今日預備set頭先發現屋企支25cm的hair iron唔識heat!!攪到我個頭直撻撻地,完全不襯衫! 點解壞了?~~~我前排不久至用過,為何現在壞了?! 唉明天要去買新的,仲不知有冇貨,我指定要25cm直徑的啦......激死,又要破財~
SET頭冇HAIR IRON唔得...我上年去日本都買了一支只在日本用的,因為是日本插頭和110W的~

今回去日本當然有拎去啦,不過已經久用HAIR IRON發生意外的我,在去迪士尼當日,由於趕時間整,於是一反手就不為意地手背掂左落去支IRON度,嘩,一個痛字!! 但忍痛不理繼續整完,閃入去沖冷水......又因為去玩,都唔理佢痛不痛了......

↓這是25日晨早流流收到的聖誕大禮,今日廿九號,即是已經四日了...仲痛喎?! 我有用膠布貼住佢,因為範圍都幾大,好顯眼!有點擔心唔知有冇"LA"?!

■ Déjàvu JPの旅1

21號晚雖然頭痛到爆,但都執野兼再次教好細佬用部相機,仲和BESS傾吓計至成點至去瞓(因她家離機場超遠所以連行李來了我家)。22號天未光就和BESS5點多就爬起來,預備再次點算行李及等妹佢地兩個架車來一起去機場~~~

去到機場再連結TIMMY一起出發去東西...我們的吃喝買看玩的Déjàvu之旅~!
新的入境掃指摸和影相橫節之前有朋友講了我知,所以都算快就OK了。不過等埋車,都要差不多4點半至出到東京!

距離上次到東京已經有17個月了.車子一邊行一邊看,都沒什麼分別似的。一落車,發現下著雨,原先好細佬好型咁借了一把有英國旗的摺遮給我,點知我一拉開...嘩~條楎爛左既??咁反我呀~細佬!! ANYWAY,之後就急步...衝衝衝去拖住行李去酒店CHECK IN(為節省時間和不想雨淋濕我件褸)~ 說時遲那時快就上了房兼又預備出去了;可以我發現我的右手無力兼手震?!?!? 我知肯定是拉行李用力過度囉! 就在出了酒店後立即去買了把300YEN的透明傘,之後就去吃我們遲了點點的午餐(拉麵),可是我一邊拎筷子都無力...手臂仲開始好痛添! XD

但去得旅行,什麼時都不理了,吃完就衝了去行街。0101和ISETAN啦!!天氣下雨,很冷...意料之外的事,不過戴了冷帽子在STORE中又熱喎?! 最後都是除了...冷就冷一下吧~

首回合買的是日本至強的PATTERN絲襪!! 另外行藥房見到ORLANDO BLOOM幫資生堂做的髮蠟UNO CM,那張小POSTER好靚,好想偷走它,但我是一個有壞思想BUT守法的人啦~~~~9點各大店都關門,我和妹就會合CHISATO去吃飯囉(BESS已經先行離開,出發去搭車落大阪看KINKI KIDS)~哈哈

這一個晚餐去了妹佢地上年2月都去過的居酒屋,特別之處係...內養了兩隻可愛企鵝啊!! 在居酒屋坐我們旁的兩對男女,其中一個男的飲得超醉,佢身旁的女子,睇住佢面黑!! 場面都幾好笑~~~ 吃飽去了逛逛便利店,買蔬菜汁和焦糖布丁...

回到房,第一及第二晚都只有一個人啦~~~ 先去浸個超熱水浴(因為隻手好痛),之後吃布丁...飲蔬菜汁及Zzzz... 其中,洗洗吓面聽到TV有把熟悉的聲音在唱歌,即時閃去看及開DC影底佢...YEAH!! SMAP呀!! CHRISTMAS NIGHT...^^好好聽呵!!

東京第一日...和之前一樣...Dejavu呢~

由於大仔跟了細佬去NEW YORK,所以我係全程用DC FX30,但又天氣唔好,LCA入了菲林冇影過......!!!

#1 飛機上天色是很掂架!!

#2 0101 YOUNG館的廚窗佈置

♫ LUNA SEA 12/24~one night dejavu~

LUNA SEA的一夜限りの再結成ライブGOD BLESS YOU ~One Night Dejavu~無事終了~



這個沒預計的再結成一夜,實在很感動!! 雖然場外是冷冷的,但場內是熱熱的!就算是遲了50分鐘開場,但場內的燈一滅,五萬五千多人亦立即站起來,歡呼起來,因為大家的夢在這個平安夜實現了。

五子聚集在台上,感覺始終和看SOLO不一樣,就算是同一個河村隆一,要是用RYUICHI為名的LUNA SEA VOCAL,震撼力實在爆很多!!
雖說7年後再次結成,可是這一晚的感覺和終幕前沒什麼不同,要不同的也許是他們成熟了~

其實邊看台,邊聽著RYU唱,邊和場內的五萬多人一起揮動著手,實在很想喊,不過一想到妝會花的事,就心呼吸的收起淚水!! 這個平安夜真的很熱~

真矢SOLO的部份,認真霸氣十足,睇到呢~~~~~ 但在ENCORE時,RYUICHI介紹DRUM的時間,他走出台時竟然做了一個CUTE系的V字手勢(MAYBE他老婆或阿女教他的)。另外是他們都有掟水落台,當中有次SUGI飛了一支出去,掟中了某人的頭反彈了...他即時又摸摸自己個頭後面?! J依然是狂野型,不過留了黑長髮加鬚,更爛的感覺;INO越來越沒那麼酷,笑容甜美多了,他又在隆一耳邊說話,著他和大家講他想講的語,這一幕不是曾經在FINAL ACT出現過嘛~ 至於SUGI...優雅派~又重現那那屬於他的結他聲和小提琴聲,還有太愛他和大家講說話的語氣了!! RYUICHI不多說了,因為他什麼都是好的(很開心見他的面又回瘦了...哈哈哈)

終於終於,可以像真冬的野外一樣,和在場的人一起唱SILENCE NIGHT日版,的確回聲回響得很神聖的感覺! 可惜SET LIST不是後接MOON呢...

► X'MAS TIME 3

MERRY CHRISTMAS~~(因要離家出走,所以預早打好的一篇來~)

原來,除了IFC的紅、海港城的銀、迪士尼的閃及朗豪坊的白之外, 還有...
青衣城的藍和美麗華的羽呵~~

商場們佈置的設計師們,真的各出心思呢~

#1 青衣城

■ 聖誕東瀛月海旅

下午開始正式執行李,執完唔知點解好頭痛!!
連食飯都有點唔想食,好在今晚老媽整雞翼至令我有興趣吃完~
好在,經過一個熱水浸之後,頭痛消退了~~~

冬天去東京,原來行李可以好輕鬆,因為日用品拎漏可以買,而今年氣溫已不似以前,暖了很多呢~
我都只係拎左兩件褸+兩件冷衫+一件薄冷外套+兩條頸巾+兩頂帽+兩對手套...

嘿嘿,應該唔會太冷,因為看了yahoo.co.jp的天氣,我估最冷都係22,23日,因為下雨!!~

也許...晴天娃娃都要出場!!

COOL~
明天將出發去東京過一個LONELY又唔似LONELY的CHRISTMAS^^

先說聲: HELLO MERRY CHRISTMAS~~

► 聖誕聯歡會

今晚是公司自己部門首次出外攪的聖誕聯歡~~~
當中有個麻雀王/后比賽,然而因為一些的情況,半自願地和我同team的同事A小姐去了幫手"鄧"腳!!
一個砌幾多隻牌都未必記得既人去"鄧"腳真係出奇兼勁囉!
但為了完成同事可以順利開一張檯打的願望,而又不是計錢的情況下,哈~去做包輸都是一件好事!!! 前幾日已經急忙地搵朋友惡補一點遺忘了的資料...
而今晚就正式坐埋檯(雖然玩票但都幾驚吓)
anyway,總算惡補後,又有好同事朋友軍師在旁教路,亦其中靠自己贏了一次(什麼三番至可以食糊架!對我來說係好難架~~~) 遊戲結束,同時M大勝~

之後就係吃的時間,當中有抽獎,但抽中要飲一杯啤酒至有獎~~
唔飲可以搵老細頂,搵得越大,佢就要飲得越多.....呢度笑都傻!!
WI老細仲好笑...說要某老闆"飲三杯加一個魚頭"!!
明顯幾個平日極嚴肅的老細,都飲到傻傻吓!! 大老闆仲不停同我地講: 聽日星期六!!
而另外一組的W老細又拎了兩本紅酒來,不停說和我地說"新鮮"又要我地答佢"新鮮"~
之後仲不小心成杯紅酒倒了去大老細度,佢自己成面酒,I大老細背部成身酒...根住,大老細說:佢聽日唔洗返工!! 因為星期六....
這幾個小時攪笑到暈!! 最好笑係D貓哂既老細~~

講真,咁玩係我部門第一次,以前只係到會去OFFICE咋~
不過,真係好好笑.....諗起佢地D樣動作說話都會笑!!
TONIGHT果然係一個聯歡會~

P.S. 今年聖誕好多驚喜..嘿嘿公司玩許願聖誕樹,收左朱古力!!
另外,今日收到又係公司派(我估PROMOTE野)的金蛋~~

嘩~~~~點食?! 食完肯定又咳死......
不過朱古力i love it!!

► 給自己的禮物

一聲"Hello Merry X'Mas"......

偶爾路過這家很久沒逛過的店,

飾櫃中隱約聽到它的輕聲呼喚,

瞬間下也仔細地考慮了一陣子,

最後,決定把身形細小,但身價不菲的它接過手中,

自此它就是屬於我的小熊了。

在這個原屬於浪漫的節日裡,

便可有這小小的熊抱唷~

i LuV u BeARrrrrrrr!!

► Sunset(sad)

About the Sunset...
Feeling ......Sad.

看著他隨隨落下,轉眼間橙紅的天換上冷藍,就連整個世界的溫度也冷起來;
看著它隨隨落下,道出了一天的光陰就快過了,人又長老一日,離那一天又快走近了;
看著它隨隨落下,我看到了自然,看到了人的TIME TABLE其實也和自然一樣,老早被安排,被定案了。
掙扎又如何,日子都是這樣地過......
怱怱的又一年了.....什麼都沒變,是喜還是悲?!

若今天看的是Sunrise,感覺會否有希望一點,只不過是同一個太陽吧~

► 貓展

昨天和今天都是HKCLS的第12屆冠軍貓展,茶美妹都有參加,不過玩了頭兩ring之外,茶美姐開始發脾氣!!
雖然如此,頭兩ring心情還佳的茶美姐都拎到兩個第7名~

今日茶美姐照常去,當然都睇她的心情啦~~最後都是她心情依然差而提出回家去~~~

昨天茶美妹的鄰居是一隻黑白短毛貓,嘩~~~~4個月大太可愛了!!
如果可以養貓的話,黑白貓都真係好可愛,而且很貴氣~~~哈哈哈

► X'MAS TIME 2

因為charmmy貓妹提早離場,所以下午就去了朗豪影相......
果然唔錯喎!!佈置區不算大,不過幾靚,只是太多人吧~
http://www.fotop.net/skywalker/xmas2007

#1 好喜歡那裡的燈柱...好靚...

♫ LIVES 2008

2007已經很開心地在香港,睇了很多海外歌手樂團的live...AYUMI,LINKIN PARK,BRETT ANDERSON,只是這三場都花了不少銀兩,雖然如此那這樣來香港的live是不可多得,所以慳機票錢下是相當極得!!
來年,只是一個一月份,就將會有兩支不同的團來香港開LIVE...又是銀兩銀兩的時間!
一支是來自芬蘭的GOTHIC METAL團Nightwish(1月24日九展),另一團是來自美國的My Chemical Romance(1月29日EXPO)!!
前者我之前有講過點解喜歡,而後者...我想都是因為那helena一曲+MTV有GOTHIC味,所以開始留意他們和喜歡上他們的Rock.

一向查實少聽美團,因為總覺得他們的音樂風都比夠粗獷型,FXXK字飛來飛去的~而英團是來得溫文,很紳士的英文...哈哈哈
不過,口味總有兩面,所以My Chemical Romance我喜歡的!!
HELENA

Welcome to the black parade


至於場MCR,要搵朋友去和我睇都是一個要解決的問題...$780及$480兩種票,$480似乎太遠,$780就未必有friend會和我去癲...點先~點算先...unknown!!


LINKS:
NIGHTWISH
My Chemical Romance

► X'MAS TIME

SEASON'S GREETING~
近年XMAS慣了去影聖誕節的佈置! 今年去了幾個不同地方,有IFC的紅,HARBOUR CITY的銀和迪士尼的閃,也許朗豪坊的白還未去...
不過,在迪士尼給我發現了BLOB BANNER上那一個廚窗,很難得的粉紅色!!

X'MAS...應該是如此的ROMANTIC~ http://www.fotop.net/skywalker/xmas2007

還有...Playlist又轉了全部都CHRISTMAS/HOLIDAY時份,好合聽的歌...開player聽囉~~^^
有至愛WHAM/GEORGE MICHAEL的LAST CHRISTMAS & New kids on the block的MERRY MERRY CHRISTMAS、有好SEXY聲音MICHEAL BOLTON的WHITE CHRISTMAS,有一首不知邊個唱但係好鍾意既歌DRIVING HOME FOR CHRISTMAS、有GLAY的彼らのholy xmas、仲有MICKEY & FAMILY既Deck to halls呀!! 仲有幾首想放,不過拎碟出來轉左mp3先得......

 #1

► 試CASIO新機

細佬昨日買了新DC仔!今日幫他去試用新機~~~
對於它的拍片功能蠻滿意......只是要10分鐘一段這是一個不足之處吧~

原本,大家都打算買canon 860/960,但當試機時,發現變焦不遠,場景模式不多等,決定再揀過...
於是試了幾款不同牌子機之後,最終都是揀casio...也許是細佬用開佢二姐部舊機Z4用到有感情?!

事實上,買機的主要原因是拍片功能要合意思,想是...邊拍可以邊zoom前後,又可以錄得長時間等等~ 這一台機,今日測驗是合格!! 因為save得快,所以就算10分鐘一段stop左,一至二秒左右就可以再按快再錄過;另外是原來邊拍可以邊zoom前後之外,還可以較EV光暗...呢樣我覺得好,因為影唔同位會有光暗問題,改EV係好事來囉!!

至於大缺......不是廣角鏡~沒有28mm對比我部FX30就差一點了~~~ 而且是...夜拍時ISO唔夠勁...不過DC仔要求咁多把鬼?! 講明DC仔,最緊要快靚正,亦輕身外表型仔,價錢平Function多...夠SNAP SHOT就夠了~~

SO...呢部機OK架!不過如果十日後玩完部機冇問題,可唔可以換銀色?!因為黑色好易手指摸囉~哈哈

Anyway,希望新casio仔仔它可以幫細佬在NEW YORK影到很多正正COUNTDOWN片回來囉~~~~

► Orlando來了

嘩~~~看水果報嚇見一個好熟悉樣子的圖,接著就是見英國型男Orlando Bloon(箭仔)的字樣出現......

► なべ聚

冬天是適合なべ聚~!  "なべ"算是我們的詞語, なべ可解作火鍋,另一方面なべ亦曾是一個某段時間幫他們地做事的人......

今回なべ聚去了Kikko家,我們先在cwb街市買野再坐小巴上去......
港區果然和龍區不同,靜很多呢~
嘿嘿...一入屋就見到nacho,一隻老虎狗! 亦可以叫他歐陽震華,都可以當他是在動物之森中守村gate的大人物~

我們睇電視(睇既當然係我地至愛的GLAY新DVD LOVE IS BEAUTIFUL啦~~),他無無聊就參加大家的聚會,坐埋來喎?!
我們打機他又走過來踩我地的腳......成廿幾磅,幾重吓!!

♫ 周杰倫LIVE 2007

好開心看到周董(周杰倫Jay Chou)香港站(Jay Chou World Tour 2007)的live!!
這一個台灣人......很厲害! 很像什麼都懂的?!
唱歌作歌彈琴之外呢...跳舞啦、功夫啦、打鼓啦、古箏啦...都懂呵~
開始真的很喜歡他,雖然他眼睛真的一條線狀,不過吸引的是他無限的才華囉~

這一天借了小白去...有點像舉重!
不過可以從第十行都拉得那麼近.幾重都捱啦~~~
另外是...靚鏡就是靚鏡,一看影出來的相就知道!!

不過,周生太多太投入的樣了,已經眼細,再投入樣的話,就全部都線眼......都分不到有沒有開著眼?!

貼這幾張出來SHARE吓,其他揀好放相簿中...

#1 ↓周董的古箏篇 (一出場真的估佢唔到~)

► 雙 生 夢

全因撞衫事件,觸發起大家在那個迪士尼酒店中的晚上,玩票地影了這幾張相......
謝謝Dor的指導和拍攝,還有琪的協力。

相片後製了一少點,感覺如何呢?有心寒感嘛~~~哈哈哈
 1

► 賤兔2

曾經玩過wii,愛上賤兔...因為game真係好賤,好絕!!
DS的Rayman Raving Rabbids 1,主角唔係賤兔,所以玩過就算了(主力都在動物之森世界中)~~~

最新的Rayman Raving Rabbids 2,絕對又完全瘋狂迷上......好鍾意佢嗌得好淒厲!!!!!
全MINI GAMES,加左分有新衫新飾物比賤兔換,樣衰衰咁...正囉~

未玩過的話,快點去玩吓啦!!