► NDS扭蛋筆

今日見到公司附近商場有兩部扭蛋機,是扭NDS筆的蛋機!!
今次我見係YUJIN機,所以又搏一搏~
上次呢款筆抽過,不過打開左之後直覺它係假筆(事關連部機都唔係YUJIN機),而且顏色唔靚,就即時轉贈同事了......
今次呢...唔知...唔知係真筆定假筆,不過我只知之前去吉之島同7仔都得部機比我見,一隻蛋都冇,所以今次又係"抽左先算"!!!



ANYWAY,仲見都想再抽......,因為好想要果支白色-任天狗(我支孖寶花花用舊左了~)...
講真,目前為止我只識分孖寶兄弟筆的真假...。
(↑這些筆筆是公司個emarket買來的......我check過全正貨來的~)

這兩支說什麼第二代.....但yujin個網冇提過既?!? 但如果係假,又假得幾精喎!! 可能係偷yujin的版來造,人家未係時候出既野來....
雖然,筆都係用,但係10蚊咁比人扼條氣就唔順囉!!
我情願比多10蚊BID一支真既~

最近...真係好想買番動物之森的筆,因為我太愛呢個完全似係退休生活的Game!!
何況,我真係好想有間咁既村屋,住條咁無憂的村裡面,得閒種下花,和鄰居搭下訕咁~
不過D筆起價幾貴,日本那邊都差不多價,可惜未來不會去日本,否則一定去搜尋。
點好呢~~~太貴又好似唔值,見到唔買又驚後悔...囉...!!