Monday, 14 September 2009

► 好友ANN的婚禮

讀設計時的同學ANN,幸福地在剛過去的星期六出嫁了~
我和另一個好同學車里都是姊妹團之一。

一早就去酒店集合,安排一下遊戲的用具等.....

原本新娘子安排了我其中一個工作是”有時間就影snap shot”,但眼見在場兩位攝影師和錄影人都在忙為她拍攝,我還是避免打擾吧! 始終他們都是受雇,他們努力影來交功課是應該的事呢~


時間過了很多,新郎團還未上來,估計都是在根下拍照所以比預定時間遲了近半小時囉!


Anyway,最後都在控制的時間內,應了攝團的擺Pose影相+video,還有接新娘遊戲及飲茶動作後,出門和出發去男家。要順便一問是...為何攝團永遠要姊妹子接過開門利是影相時,都要我們擺出好”爭”好”恨”的模樣?! 已經是例行的動作,我們都不恨,亦不爭囉~ 可不可以好簡單地影一張只開心地接著利是封的相呢? 

在出發去註冊前,就在男家附近的停車場影大合照~
而我們姊妹和兄弟都有影團照,不過我們6個女生的反應竟然出於一致,當攝影機叫我們擺COOL POSE,我們實在擺不出,因為套衫咁Soft和light color,點擺cool?何況我們實在不自然;之後又叫我們擺港女pose,哈哈我們一眾不約而同地答:「我們不是港女,所以唔識擺!」的確後感我們都幾寸,不過有時候主角不是我們,我們都想隨意一下...

到了註冊時間,地方不錯的靚,是配合ANN的要求,有隆重的宮廷感覺~






而儀式開始時,在後排的人就有點苦了,因為整個過程只見到4個背影~ 我都想影幾張的,但攝不過去! 亦是那句,受雇的是優先影,於是我都是坐著聽聲看背脊~哈哈

說時遲那時快,又到了酒店時間,我先是陪新娘新郎在酒店內影相,之後就回酒店房和其他姊妹玩大富翁~而特別”升呢”了的伴娘,就麻煩她幫新娘打點換衫了~

到差不多時間,我們就去當reception安排賓客入坐~

因為這樣我們錯過了和新娘子影相呵...那套粉紅色的禮服,還有我和車里和sue+新娘的4個相識十載的同學,竟然忘了一起合照......XD


Anyway,這一天和各姊妹們+兄弟團都合作愉快!
而新娘子亦是always都咁靚~^^


p.s.

原以為趕不及用新機的日子,竟然新機幾天前可以取貸,看了好幾遍USER MENU後,這天正式上場~ 但還不熟,因為制式和之前不一樣~而支鏡始終f.4,所以都感覺不夠光,另外是因為懶冇拎燈,又較錯EV位.......於是又蝕哂~

不過Full flame真係不同d~

p.p.s.

我好鍾意新娘為我們整的手花...我冇丟到!!雖然爛爛地,不過我會黏番它,留起它~真係好靚!!!!!!!!



3 comments:

  1. 最尾那一相﹐好似行catwalk的相﹗哈哈。。。
     
    你D相影得好靚呢。。尤其是早上那些snapshot~~~你同學一定會好appreciate你幫佢影左呢D相。
    [版主回覆09/16/2009 23:00:00]哈哈~我都希望她喜歡我影的相,不過交不足功課,因為影得很少呵~!!!

    ReplyDelete
  2. 返來香港2日,剛好睇完所有你們為我拍的相片, many many thanks, 我都知你們影得辛苦,因為前排永遠都有4位大漢遮擋,
    不過都唔緊要,呢d係snapshoot,正常既, 咁妳幾時比隻cd我呀?
     
      
    [版主回覆09/24/2009 22:59:00]哈哈哈~係啦大漢BLOCK哂,莫講話影,連見都見唔到,我真係睇唔到你交換介子一幕架!!!!!!
    燒CD...要搵人幫我...因為我燒碟機壞左~XD

    ReplyDelete
  3. 無問題, 等妳 !!
    係啊, 我睇唔到d相既 ?
    [版主回覆09/25/2009 22:04:00]應該係yahoo的問題,不過我重新貼過...現在應該ok...嘿嘿

    ReplyDelete

Thanks for comments