► 一夜騷動

小強是我最最最討厭加最驚的虫!!! 一見到佢竟然在家中出沒的話,不是佢死,就是我驚到死.......

昨天已經忙了一整天,從msn收完chisato影的相預備關機去sleep已經夜晚點幾了!

突然.....眼角描到竟然有隻大強步行在房間的地上,嘩.....情急之下.用了有生以來最大的勇氣,用拖鞋截了佢再前進的路,之後佢走到雜誌架附近,即時大叫阿妹起身.....

兩個人猛盯著雜誌架的範圍,不知點算好!! 之後當然大叫老媽來捉,可是........

從呢件事,知道阿媽係冇人性和冷血的,因為佢竟然說......洗乜驚丫,佢咁細驚咬死你地咩? 之後就慢條斯理地尋找佢的蹤影!!

見到佢了..............!! 可是....又唔見左?! 打開哂所以雜誌都唔見左既?? 大獲了!!!!!! 給跑算了?

根住....... 真係唔知點算,走又唔係,留又唔係! sleep係絕對冇可能的事,明知佢入侵了,生猛猛的,冇可能sleep!

於是又一邊驚,一邊擔心,一邊憂心,一邊聲討那個唔驚呢d虫而說人家驚得無謂既阿媽,一邊眼睛大搜索,一邊坐左床上用被子包著自己,仲有係......大喊!!! 因為真係好驚,唔知佢死左去邊,又會係邊死番出來!!

經過這些活動,眼睛突然搜索到佢了,原來佢在剛才雜誌架附近的兩櫃交叉的罅隙中......於是阿媽入來stand by,阿妹預備欄截!!! 最後成功地置之死地!!!!

這個時候,時間已經差不多4點了,但成晚都sleep得差,因為有陰影!!!

今早起來,發現眼腫了! 唉~~~~~~~~~真係好恐怖! 好憎夏天,住舊樓,樓下開食店or海味店...

點算,明年阿妹走左,得我一個對住冷血的阿媽,佢help唔到我喎....萬一再有出現,點呀? 唔敢諗, 一諗就好擔心,覺得前路一片暗淡!!! 莫非真係要買定各類殺蟲劑,執定一袋走佬行李,萬一有咩事,飛的去細佬度避避!!!

好灰......