■ Déjàvu JPの旅4

晨早起來,精神開朗,吃過早晨,的士前往華盛頓酒店...因為我們沒有預先購入指定日子入迪士尼的門票,這一天正正是25日聖誕節,所以我們找了門路,跟某香港旅行團一起入園~~~ 所以我們就要去他們的酒店,跟旅遊車去了迪士尼...... 嘿嘿,這一來,我們用的團體票,所以慳了500yen,兼用團體入口入,所以免了那了長長長龍~~~

這天的天氣麻麻,整天都厚雲,所以彌漫著很冷又灰的感覺......事實上,這裡只得4度左右~  已經是N次入東京迪士尼,不過聖誕節這一後時間是第一次~感覺這裡很靚,佈置比香港誇張很多,廚窗佈置也靚絕~ 入園時見到穿禮服紅褲的米老鼠,哈哈,冇興趣和他影相,因為...香港影夠啦,仲唔洗爭添~

我們首要玩的是聖誕節特別被的"小小世界"和"幽靈公館",前者變哂CHRISTMAS佈置,後者是變了阿JACK館...型型型!!

裡面仲播著那3隻小鬼去捉聖誕老人隻歌,當然椅子車一邊行,我和她都有跟住唱吓啦~ 入面黑,我冇拎大仔去日本,所以相片要等Chisato的官方相片出了...哈哈哈

當中,我們都有去看parade!! 嘩~~日本人幾守秩序先~~雖然3點parade他們12點就鋪好地席住,不過真係好好架,只要你鋪好地盤,他們是不會霸你的地方既~ 而且真係一律坐底!! 兼且parade當中有教大家一齊跳下舞,真係個個都跳架~~~ 呢d至叫ENJOY!香港人真係永遠都學唔識...唉 整個CHRISTMAS版PARADE都好靚,原來有贊助的~~~所以重本一點都可以!!!

午餐吃了聖誕SPECIAL,好味呵! 不過好煩,要先排隊買再出去找位坐!!! 點解要咁?唔可以搵FD坐好了,放低一袋二袋,再去買野食?! 費解... 也許是以前通常去迪士尼日本料理那一間吃,所以唔為意這間和皇后餐廳一樣....好不方便嘛!拎住一袋袋去抬餐!!

這一餐幾冷都吃露天,感覺開心D~而且有毛毯給我們蓋腳,所以都很暖~ 差不多吃完,看到古奇妙事件!! 那就是日本的麻雀原來有飯有蛋糕不吃,只吃CREAM!!! 是CREAM呀!!!!!! 有相和有片為証,它們吃得好開心架~

日本迪士尼有樣野好討厭!! 其實係長久都係咁...呢樣就係同公仔影相的問題! 日本果邊D公仔係用巴士一車車哂去城堡前,放佢地落車,接著人就會跟住鍾意果隻,再圍佢.... 根住D日本人阿太太,阿媽就會事無忌彈地推她們個細路出去個公仔度,咁呢...隻公仔自然就會照顧左個小朋友先。咁大人呢就等啦....有幸就會影到架啦~~~因為D細路唔知幾時又會攝出來...!!! 都唔明,點解唔學香港咁排隊? 細路大哂咩~?!?!?!?!? 入得去,我都係細路的心態.....哼!!!

另外,之前唔覺,依家好覺日本個SPACE MOUNTAIN和森林河流之旅,好唔掂~~~當然係因為它們已經舊了~~~ 對比起香港的SPACE MOUNTAIN,真係得個快字和轉字~ 而後者...真係只係坐隻船仔行一個圈囉!

至於....SEASON的戲肉,那個城堡亮燈....香港的靚好多!! 不是城堡大D高D就得...因為日本呢個係在城堡前,找了米奇家族出來唱歌跳舞一輪之後,就亮燈;不過本以為會繼續繼續成個城堡都發亮...點知...嘩...乜咁既?!城堡兩旁那兩層和最高的塔頂連燈都冇打....*汗*~~

睇完亮燈又等夜光PARADE... 嘩............勁靚!!好多架車...閃到暈!! 當然都係有贊助既....

看完呢個,原本打算走了...但又去了木馬那裡拍一條片仔(三地之12月25日),另外又開腳架影合照啦...攪攪吓竟然放煙花了....於是我們又睇埋煙花兼在車站附近的SHOP最後SHOPPING一次.... 嘿嘿,太開心了~~買了DISNEYLAND SEA至有的米妮和服布袋COOKIES(我至在要個袋,D COOKIES拎返公司分豬肉用)

哈哈~~今次入迪士尼,冇拎大機去,感覺輕了,不過變得影得好NO THINK JUST SHOT! 超SNAP囉~~而且冷令人懶得影...哈哈...JUST ENJOY THE DAY IN CHRISTMAS DISNEYLAND TOKYO~