► 飲宴後感

今晚一家去了文華飲,因為堂阿哥結婚!
他是我老豆細佬個仔~
印象中,細個既時候就成日一齊玩,仲好記得佢幫我地砌左一個機械人模型!!
當年覺得果個公仔好難砌,因為要一塊塊黏起那種。

之後,都係一年見一兩次咁啦,唔多熟......他大佬我地仲唔識,咩名都唔知架,只係去年他結婚至知佢叫咩名!!
原來所謂親情,都不是易建立,係要一定程度的維繫至可以!
我相信朋友都是一樣。

今晚坐的一圍是大佬二佬兩夫婦,他們是我老豆大佬的仔~
唔......反而我地三姊弟同他們又熟很多,因為他們出身廣州,所以小時候,年年暑假都去他們家住兩星期,點會唔熟!!

今時今日,見到二佬兩公婆,就諗起我地以前跟住佢地去拍拖的日子......
屈指一算原來已經很多年前了!!

一代親,兩代表,三代咀xx,是一句老俗語,
或者的確是這樣吧.......
現在我地同堂阿哥家姐地的細路,都係一年見一兩次咋!
點熟先?
莫非,再過一轉,就是這樣.....親戚圈小得很?!

btw,老豆的兄弟中,只有他的三個子女,即我們未結婚..... 明天妹即將出嫁, 跟著矛頭會指來我處...... 好想避囉! 點答呢? 因為連我自己都睇不到的未來,可以點答?! maybe細佬還先過我~~~~~