► 假期後...

昨日放工去左金鐘,幫阿妹揀花球~~~
嘿嘿,b記的花球係唔錯既,最唔錯係條絲帶~*哈哈哈*
thanks kikko的幫忙,8折左之後化算好多!!

回家後,心血來潮大搜索床下底放置了一段時間冇理的 - 鞋!
事關有一對數年前買的MIU MIU鞋,前後只穿過3-4次!
因為3寸半高,著左唔識行囉~ 那時點解買呢? 因為在SHOP試既時間,著上腳靚囉,又行唔多路,唔知行多陣會大獲囉...所以買!
價錢都唔平架,要2千財!
昨晚拎番出來,個款唔OUT...因為都係普通高根嘛^^

拎番出來最主要原因都係我妹結婚果晚宴著;
因為唔想買新鞋,而睇過之前買落的鞋又好似冇一對咁高,所以都係拎佢出來練練先~

在搵鞋的過程,有驚喜!!
我搵番果4筒LOMO影英國的相底!!! 原來在床下底有個盒入住左~嘿~~
依家想拎佢地去整CD.....唔知幾$呢?!

今日,放工就去比錢出機票!!
7千財找一蚊,只是去希臘雅典的機票錢吧~
人一世物一世,飛左至算......MAYBE在當地識番個鬼佬...OR在巴黎機場識番個法國佬...
閃電結婚...咁就可以遠離香港了!(無聊亂想罷)
有咁易既話,今時今日就唔會仲係咁既身世啦~~~唉

呢幾日又繼續Search Mykonos的酒店先......始終未有係心水價錢和心水樣子和心水location既酒店!!
攪掂埋呢間酒店,就可以plan行程了!!
因為其他野都booked了!!