最近尋相底,令我看回LUNA SEA的場刊們,繼而想起LUNA SEA終幕近7年了!
這個7年,實在概嘆時間的飛逝......
喜歡LUNA SEA由他們98 SOLO WORK之後,那期是剛推出STORM & SHINE這兩首SINGLE歌。
那時大概喜歡GLAY(JROCK)不多久的我,在日友錄回來的MUSIC STATION中聽到STORM,簡直震撼,應該說比初次聽GLAY更震撼!
聽LUNA SEA先是比RYUICHI的狠勁的聲音所吸引,繼而是他們整首歌的音樂編排,之後是SUGI搶耳的結他聲和SINYA的鼓聲......
因為極速愛上,之後就盡快地買回他們之前出的大碟和之後他們出的細碟大碟等等...
這張STORM的大碟,亦為香港帶來了他們的LIVE,一個令我難忘但極無癮兼不開心的LIVE(因為看出香港人幾無品!!!)
短短的兩年,莫定了我喜歡喜歡的程度,但只是可以讓我喜歡他們兩年吧~
因為2000年,他們宣導終幕(解散)!原來眾說云云,但之後的日子經過某人的解說下,終於知道他們不如傳聞說RYUICHI和SUGI和INORAN不和的事實...安心~
不和就是不和,但只是他們已經長大了,已經不是初相識或初出道時的思想,那麼這麼多年之後,理念不一樣了,分開亦當然了。
原來這樣合拍的團,背後就是有磨擦才完成了那麼多好歌!!
終幕7年後的今日,不知道當中的那個人是否還老堅持他一如以往的理念呢?!
喜歡他們因為他們各持性格,雖然他們唱片中是沒注明歌是誰作的,但很多時間都聽得出的~
作曲通常是sugi,ino和j,所以分得出不難!哈哈哈
很懷念sugi的海鷗叫聲似的小提琴聲,和那搶耳得來又冶艷的結他聲~
很懷念ryu馳走感的歌聲,河村隆一時代是沒有的~
很懷念inoran cool到爆的微笑和他永遠低調一旁的結他聲...
很懷念shinya的力量級的鼓聲!
很懷念j...狂野的bass
很喜歡breathe,因為輕柔的結他們與RYUICHI比較平淡地歌,有別於其他,感到舒服~
另一首,我也愛的類似style的歌,是RECALL!!!
另一首激愛激愛的就是IN SILENCE!!因為SUGI的結他聲太吸引了!! 還有RYUICHI個樣很掂...哈哈
超級愛的歌中,怎會沒有ROSIER!! 曾經KARAOKA中大熱唱!!
終幕前,最後一張SINGLE歌- LOVE SONG~
一首之前點聽都流不出半滴傷感眼淚的歌,但在那最後一場香港的演唱會上,真真正正感到他們將完結了,那一刻終於識得流眼淚了~
還可惜的是,12月26日那場TOKYO DOME的LIVE,我沒假可請,所以去不到日本!! 那時間日友買到我票的!! 現在張票還在~~唉~飲恨中
今天他們已經各走各路幾年了,但他們之前一起的歌,溶合了他們五個人精髓的歌,仍然百聽不厭中。
不知道,他們會否有再開幕的一天呢...
我呀妹前排先將luna sea的舊cd從新mp3化帶出街聽, 我仲問佢咩事無啦啦聽返啲舊歌! 不過佢地的歌就算而家聽返都依然係咁正! 一聽又忍唔住跟住佢唱啦~!
ReplyDelete我是在rosier時代迷上luna sea的，你唔講都唔覺，原來佢地散band了七年喇?! shinya好多年前來香港tom lee做過drum clinic，我取了簽名，仲有同shinya的合照!! (不過咁多年個簽名唔知擺左去邊 T_T) 我真係好鐘意luna sea，到依家聽返ｄ舊歌一ｄ都唔覺得過時，呢ｄ就係佢地實力所在
ReplyDeleteAngoraCat>我已經將所有歌mp3化長放ipod中!(比glay還齊全~ ) KitKit>我只有隆一簽名咋!(因為我最喜歡是RYU),今時今日,仲記得在酒店SUGI一出"立",向坐著酒店大堂吃喝中的我和朋友們點頭打招呼,極優雅的動作和樣子!!!!這一天相距今日已經差不多7年了!
ReplyDelete乜咁快7年啦? 老lor老lor.... 我都係98年開始鍾意GLAY同LunaSea, 分別係因為However同Storm, 後來同學借左佢地d舊碟比我聽, 聽返In Silence, 覺得好好聽, 好似自由飛翔既感覺! 仲有Wish! 正到丫, 我將呢首歌加左入我一份Fine Art功課既片段裡面!! 最後都不知幾高分!!! (fine art果d野就係亂咁將d唔關事既野整埋一齊, 果條片我亂咁拍左d野, 加埋Wish呢首歌, 全部野都唔關事既, 然後再作個Concept, 個Miss覺得我作風大膽, 好藝術家! hahaha, 其實因為果時唔得閒做功課, 一心掛住要去睇Luna Sea Concert, 所以求其做!) 仲有好多功課我都唔多唔少加左Luna Sea既原素入去, 例如用佢地d歌名諗Concept, 聽佢地d歌搵idea, Luna Sea 真係幫左我唔少, 其實我係鍾意GLAY多d既, 但反而GLAY就比唔到靈感比我啦... 2000年果個HK concert, 最後既純音樂加埋台下既人互相拖住手果一幕真係好感動! 不過唔知點解, 初初我最鍾意Luna Sea既Sugizo, 睇完呢場Concert之後就轉左鍾意J啦 (可能我通常比較鍾意bass 手, haha!) 我果時既同學仲接到真矢支鼓棍, 太幸福啦! Concert果張飛我仲有留住, 不過d字甩晒.... 得返張黃色白色既紙… 係wor, 我想問下, 係2000年既HK concert sugizo有冇拉小提琴? 我已經唔記得左la... 我而家都入左好多Luna Sea既歌入ipod, 不過我入GLAY多d, haha, 因為我發現我唔見左一隻Luna Sea既碟! 仲係一打開個盒, 入面係另一隻... 即係我唔見左一個盒同一隻碟, 如果要買就要買返兩隻tim, 真係慘! 太窮苦...
ReplyDeleteSillyElephant > 兩次來的live,sugi都有拉呀!!! 2000果次搵until the day i die!!! 我都好鍾意in silence~~~好飄的感覺,pv中的隆一型到爆!!仲有sugi對人字拖...哈哈哈 我部ipod 4gb係唔夠既...成日都要換走d歌的file... glay我反而少入(聽得太多,而且我like睇演唱會dvd/vhs)...係onelove成張碟咋!而月海就全齊~~~哈哈哈
ReplyDelete