■ 在希臘的日子３

6月4日 話咁快就要離開希臘的MYKONOS島島了!
我地執哂行李想話CHECK OUT左先去食早餐、影相、食LUNCH再搭船去Santorini,點知一見到阿老闆仔,佢就問我地搭邊班船! 我地比左張票佢睇,佢就叫我地快d去船公司睇下今日班船有什麼改動!! 原來呢架船在3號已經因機件故障而cancelled!!有幾個香港人和日本人走唔到呀!

於是我地雞咁腳,極速地走去船公司(好在之前行kambani街時見過幾間船公司的分店).懷著極擔心要滯留呢個小島的心情,去到船公司問佢地cancel左可唔可以轉船,那個阿姐就拎左一大份flying cat果間公司的船票出來,又打電話講希臘話; 企在counter前的我們都好緊張...真係唔想再留呢個島啦!! 阿姐講完電話,就拎左4張票出來,講給我們知道,這是另一間公司的船票,時間比原本她公司的船遲半小時開,所以去到santorini都要遲半小時至45分鐘,還叫我們2點可以去碼頭等了!!

嘩~~~即時安樂哂!!! 根住我地就去行下在kambani街早上才出現的小市集。接著就去內街搵早餐吃,找到一家吃三文治的店,他們三個吃三文治,我就吃火腿芝士酥皮批加熱咖啡,因為個三文治太大份了。吃飽後就再去風車山和泊岸影相!! 講起泊岸就想起遇見一團香港人,幾無禮貌!! 我地已經擺好哂pose,只差chisato按快門,點知有件香港女人,拎住部dc仔走去我地背後影海水?!?! 呢個時間,面向我們的洋人們都望住佢笑,仲比了個眼識我地...! 我明白,公家地方任影,不過都睇下環境丫!!! 至於風車山的相,d相係好型的,CHISATO幫我地3個女子影既!! 影影下相,無啦啦有件洋人叫我同佢影相...咪影囉,我都戴住大墨鏡既~~~哈哈哈


影完相,又係時間返住宿處約定送我們出碼頭的時間,原來係今次係阿爸車我們出碼頭~嘿嘿
話咁快,已經12點半,我們又去吃GYRON當LUNCH(其實吃一個已經好飽)。

2點我們到了碼頭,睇走難場面,因為個個拎著行李上大船,好有走難的感覺!!2點半,船到了,我們跟著大隊上船(有港團企在等候位的外面,聽到一些洋人說他們想打尖?!?......),如果係就係佢地失禮啦,因為有船票有畫位,上遲點早點都係坐那個位吧~

呢程船,我們有bb玩...一個超可愛的天使樣阿根廷BB女坐我們後面,他老豆還比妹爬通道的地毯位!! CHISATO當然冇放過影BB的機會,長短火都出哂!! 而BB老豆就比了他們去旅行的相我們看...勁呀! BB女呢日係一歲零三日,就已經去左以色列,土耳其和唉及,還獨照在金字塔前(點影大家可以估吓)

玩完BB就見到窗外出現大島的岩山了!! YEAH!到了SANTORINI了!!





我們就此在碼頭分道揚鑣,各自去酒店CHECK IN!! 我們今次選了BLUE DOLPHINS~ 一到步嚇見落RECEPTION的樓梯...不過行了一半,有人出來幫我拎~~
原來CHECK IN的是和我EMAIL聯絡的人(他自己說的),之後他帶我們上房,嘩......美景絕色!! 不用多說了!!
接著我們收到訊號,他倆應該都到步了,果然從我和DOR狗仔隊的數碼相機影到他們到步入酒店的情景...最厲害是幫他們搬行李的阿生!! 真係好勁~!!!


我們預備出發去他倆那邊參觀和集合,出發前要RECEPTION找阿ALEX哥仔,他之前說有野講比我地知的...他叫我地出大露台坐,接著就是講解SANTORINI的好去處、ONE DAY TOURS和RECOMMENTS的餐廳和PUB等等...

會合了就去尋找例景,又比我地真係搵到喎!! 於是就一面食風一點睇日落一面影例景了~
影完就慢行去FIRA DINNER!! 呢一行一定不止15分鐘,因為我地好奇心重,邊行邊停影相~~


吃完飯,就回酒店了!!

忘了提,在MYKONOS行的地係大塊石,非平路;在SANTORINI行的是中型石 OR石春砌的路...HELP!!我平底鞋都行到唔想行!!