■ 在希臘的日子５

6月6日已經是stay 希臘的Santorini的最後一天,照樣時間開始一日活動。

天氣雖然明朗,但早上氣溫都清涼,已經這次到來,風較大唷!

終於可以去無敵靚景大露台食早餐了,雖然早餐只是麵包、蛋糕、雞蛋、粟米片、橙汁和咖啡,但只論整個環境配感覺,簡單的早餐已經非常不簡單呢~

我們又數碼變焦影下山都在露台吃著早餐的兩位人士,而他們當然用小白影番我地啦!(同在酒店的洋人初時以為我地傻的,為什麼對著山下的屋做V字手勢?!) 吃完之後,我和DOR先在酒店的處處影紀念寫真......有酒店的大門啦、在房坐窗啦、企露台的門啦、望窗的晴天娃娃和房門口等等。 執齊行李後就去CHECK OUT兼寄放行理在RECEPTION,再等他們過來取車去Akrotiri博物館。

去這邊,路不太熟因為大景不多,所以...走錯了小路,但最後都順利行回上HIGHWAY。雖說SANTORINI得一條路貫穿南北,但其實說的只是那一條HIGHWAY吧,有些地方是需要入小路再去。

有車方便,所以我們又遇上絕色景觀的地方又停車了,同時看到一個單獨旅行的洋人的相機連腳架被強風吹倒,看見他拿起相機看了一會,從他的眼神表情,就知相機一定壞了,而他更加無心機地坐在地上。我們繼續影我們的合照,CHISATO本說拎腳架用5D影,不過我們力叫"唔好",因為不知道陣風有幾勁嘛,大家都唔想似那個洋人一樣啦~ 看回他,他拎了NOTEBOOK出來...之後走了去另一群洋人處,接著那群洋人拎自己的相機和他影相?! 我們估到了,他一定是抄起咭的相,再比張咭叫那群洋人幫佢影相囉!! 嘿嘿,影完相見到他終於識笑了,那時都有為他開心,因為去旅行遇上美景冇相影,好慘呀!! 影像 = 紀錄嘛~

我們影完(自拍)大合照之後

,繼續行程,不過......唔識路去,所以去到附近一間酒店問路;路是問到的,但酒店送多另一個消息比我地...那就是Akrotiri need to close 1 year!! 嘩~close來做咩事先?! 我來到就close...sadness!! 不過算啦,又係果句:「旅程總要有點遺憾,才會有重來的機會。」 於是我們轉去附近的紅沙灘吧,途中嚇然見到當年跟永安旅行團來santorini住的酒店(跟團住的酒店往往真的在"山卡啦")。

停了車,路上有個熟熟地的畫面...就係架黃色細車加埋景色好似[戇豆放大假]呢~

哈哈哈!例必動作是大家拎哂d相機出去,烈日當空,我發現我對腳面已經黑到有人字鞋印了。我們行上一個小石山後,就會見到一個天然紅岩石的沙灘~~~。

影完相,我們冇時間或者力氣再落山去海灘那處,因為我們要趕去搭吊車和騎驢仔後,最重要係還車!! so,我們直出FIRA拍車(唔知點解好似熟哂路咁),再行去搭吊車落崖底(吊車程好似冇3分鐘,價錢EURO 4)；在崖底回望上去,又是另一番感覺呢~

海水真的清得見底,但我估其實好深水的。 路過幾間店,很多大大隻的貝殼賣呵~~~呵呵

接著又到戲肉了,那就是騎驢上走Z型的路上山去(由於今次坐去SANTORINI的船冇露天一層,所以影不到那條Z路,那就看看舊相吧 http://www.fotop.net/skywalker/2000JUN08/G14)。
CHISATO第一個上驢,一騎上去驢就自己"洪"一聲跑走了。

接著是KEKKA,之後我,最後是DOR。其實收5 EURO一個人唔貴,因為驢仔真係好辛苦嘛!! 條路好長架,佢要載我們行上去,又熱又哂,人行都難耐,何況牠呢?! 可能因為快行快休息,所以我隻小白驢常常衝衝衝,見有位就"攝",完全唔會顧吓我既感受?!

真係好驚佢背著我去衝山、飛我落地...最驚佢成日在兩隻驢中間死"攝"過去,完全LOST OF CONTROL!! 事實上咁多驢上山係有一個人跟尾的。伊哇鬼叫地行了一半,帶驢人說想牠行慢D就靜D... Well,就算唔叫,佢又依然狂攝位喎

?! 冇計過幾耐,總之終於安全到步,小白驢大哥亦可以閃去休息了，而我們就回酒店還車。

在還車的完結後,順便借洗手間一用。講開又講,Reception今早check out仲係alex,下午變了勁nice光頭佬,所以趁這個還完車的時間,和他影了一張紀念寫真

,嘿嘿~~~影完相佢比左佢公司和私人的email我,叫我記得回家send番相比佢咁話!哈哈

我們繼續在santorini尾聲行程,就是行出FIRA醫肚,全海景CAFE飲野"HEA吓",仲有再去例景影日落。FIRA中路過當年我同華姐光顧過的GYROS店(竟然仲未執既?!)食完野,行了多一會FIRA,我強烈提議要去那間不是藍頂的教堂,因為我想再影番一張7年後的相!! (舊: http://www.fotop.net/skywalker/2000JUN08/G17 
新:  hhttp://www.fotop.net/skywalker/greece2007c/IMG_7790   論天色,當年好很多!!!) 其實呢間教堂入面好靚,仲播住好似ENIGMA感覺的歌/詩歌

,當然飛哂d background music啦!

之後我們走回去酒店的路,因為影完教堂都5點半了;我們決定去那間有兩張椅子放外面和第一晚經過時裡面播著很有格調的似gothic歌的cafe。 招呼我們的似乎是老板娘,chisato問了那張唱片的問題,而我們就選飲品。CAFE當然飲COFFEE啦,嘩...隻杯靚到好想買了它!! 希臘文的,真的很靚很靚.....仲要兩杯不同的!! 就咁,我地HEA了近7點半,就移動到附近的例景再影 - 告別SANTORINI之藍教堂日落。

我和DOR之前一日和勁NICE光頭佬約好了8點半回去,我們8點半到酒店,原來TAXI大叔已經到了,大叔幫DOR拎行李,而光頭佬就幫我拎行李去的士,臨別時勁NICE光頭佬還給我一個擁抱

,及叫我TAKE CARE和繼續NICE TRIP IN ATHENS添~


機場原來不遠,又不多人,仲冇野食賣?!我們乘22:30飛機...一見我們要乘的飛機,嚇一跳之外,仲要我們坐在可以正正看到那刀片的那一行!! 不過好正都係個空姐,又COOL又惡,十足十ROCK女!!(我地估佢做錯野調左來呢班機所以咁面黑)

45分鐘到雅典了,等行李...很久,走得都差不多24點,因為入夜又肚餓,我們決定的士出市區。為了趕緊12點前上車不用MID NIGHT附加費(附加費為司機海鮮價),所以我地一拎完行李就急步去的士站。最後,EURO 50

(車費和行李費合共)到酒店,雖然貴到嘔,不過快! 我們選的酒店在網上訂的,又市區又近METRO,又平又包早餐...雖然個樣和之前住果D差好遠,不過都唔計較了。

一CHECK IN完我們閃落樓下仲未關門的餐廳食野,食D咩野,就係...之前未賣哂的野

(收原價冇DISCOUNT架)!不過真係餓都食左先~~~ 本日可以上床睡的時間是2點(最夜的一日)