► 按捺不住的投訴

不是腳傷,不是放了假,不是sick leave過,還應該可以忍多一個星期!
可惜,今日真的做到好煩躁~(d case陸續湧來...)

事緣自從彼德叔退休後,老細asign左某同事做他的位,這個人就是我現在做呢個位既師傅!(我們兩年前被大老細說要交換位做) 原以為這樣的安排是很好,但一直都未有通知工作是如何分配,直到彼德叔走,他都莫名其妙! 而我當然是硬吃哂所以彼德叔個位的文件...

到了五月二日,正式做野了,竟然這位女子將彼德叔平時做我位既野都比番哂我,我已經心知不妙...

於是下午老細開會,講解新位安排...結果如我所料,有人誇大報告,而領取一個悠閒位置!掛命上和我一起partner做,但實際上只做其中一類而已.而且當日一個被她們認為低級過她們的彼德叔,每日做的工作,她只做回其中一樣,其實都是間中才有的工作...

而我就是一個人生吃回彼德叔以前和我partner的所有工作!

論數,個個月都埋數,老細又坐近某經理位,點會唔知我做緊咩,還有那某一類工作是不是如報告般難做?!
我咪咁樣做左兩年,有咩問題呢? 點解他會聽某某講,於是安排如此?!

仲有,那個女子所分得的某一類工作,一年都只是60隻新case左右,pass case會有幾多隻,相對架嘛!!其他雜項又多得去邊?
而我,一個月新case都已經60隻有多,pass case呢? 還有其他雜項,最慘是連fax,影印,filing,入倉kar野都一手包辦!

我做,由我知道咁既安排至今,我做!一句都冇嘈過,好好安排時間先後做囉!
BUT,我做得掂,唔代表我應該咁做!! 點解我同佢同grade,佢可以咁?

年尾個report又比好report佢?

呢幾日,我又行去fax,又行去影印,又行去file番做完的case,又行去比野老細簽,又行去比番文件另一team,又行去拎print out...行行行行行行

我忙都爆,又腳痛,那個人5點9可以關機,之前可以4圍行傾計,可以同路過的同事搭訕!!(我只對事,不對人,工作還工作,平日有傾有講唔代表接受她的工作態度)

我放那3天半假,和sick leave半天,都只係隨機做幾份野,其實包好比番哂我~ 

懶人我真的很討厭! 講真,我未轉位前,做彼德叔個位既同事,一早領教過她什麼都不做,但又和別人說好忙,將簡單工作變複雜化的事實! 我當年一轉位,已經feel都唔同,點解被她說做野有問題的女子,和我partner會咁快既? d job可以清得咁快既? 因為....我有做野!而唔係比哂d野一個人做,自己咩都唔做,咁蛇都死啦~~~


所以放工執野走,眼見又是一大舊未完全工作,和新收工作要迫入櫃,火滾起來...
簽走時,忍無可忍問老闆可唔可以安排得fare一點! 當然我和他講,我唔係想即刻轉,我只是想通告有件咁既問題,要解決!
我會盡量繼續做,直等到有新安排,講真我算盡我責任啦!
講真有數據,冇得扼......佢今個月既數我收先,點會唔知?我既數月底要比老闆埋數,都係冇花冇假!
都唔明...之前咁多個月,佢唔知我一個月一個人做幾多cases架咩? 點會比奸人落藥...

anyway,我講左一次就算
,明天我照舊光速做野,我好憎見到滿檯野!仲有拖來做囉~唔學得人地咁~哼